bildo kvarsezona de Obernai Familio Hurstel, en Obernai

Hejmpaĝo > Kial veni > Esperanto eniris la boatan viziton de Strasburgo

Esperanto eniris la boatan viziton de Strasburgo

vendredo 6a julio 2007, de cyrille


500 000 vojaĝantoj eniras la boatojn de la Strasburga Sendependa Haveno . Pro tio, kaj ankaŭ por utiligi esperanton, ni proponis al la Haveno traduki la promenadon tra la urbo centro kaj la eŭropa kvartalo al esperanto.

La estro de la haveno akceptis la proponon, kaj transdonis la francan tekston al ni. Post adaptiĝo al la internacia publiko, mi tradukis ĝin, Catherine Roux kaj Ginette Martin kontrolis ĝin, kaj Laurence Brochard kaj mi surbendigis ĝin. Ni fine kontrolis la longecon de ĉiu parto, kaj dank’al la ĉina versio kiu estas ofte longa, ni havis sufiĉe da tempo por klare paroli.

Finfine, la teknikisto de la haveno transdonis ĉiujn dosierojn al la boata sistemo de ĉiuj boatoj.

Esperanto nun fariĝas la deka lingvo aŭskultebla dum la vizito. Antaŭ ĉiu eliro, la ŝipestro anoncas ĉiujn dek lingvojn per la sistemo kaj per laŭtparolilo. Ĉiuj ĉeestantoj aŭdos la frazon « Por aŭskulti la ĉiĉeronadon per la internacia lingvo esperanto, elektu numeron 10 ».

Ĉar eble vi ne havos tempon enŝipiĝi, aŭ vi ne ŝatas tiun rimedon por malkovri la urbon, vi povas elŝuti la dosierojn kaj aŭskulti ilin per via mp3-ilo. Ni poste aldonos aliajn dosierojn, kiuj rilatos al la katedralo kaj la placoj Kleber kaj Gutemberg.

Se vi preterpasas Strasburgon, elŝutu la sonbendojn kaj bone vizitu nian urbon. (30 mo, mp3 kaj mapo en pdf kune densigitaj).

Alkroĉitaj dokumentoj


Fatal error: filemtime() [<a href='function.filemtime'>function.filemtime</a>]: Stat failed for mes_fonctions.php3 (errno=2 - No such file or directory) in /mnt/109/sdb/e/0/benecyril/ecrire/public/composer.php on line 87